Në emisioni “Kush vjen për drekë” sot ishte e ftuar këngëtarja Marjana Metohu, ndërsa përballë saj ishte Genci Salihu. Këngëtarja na tregoi gjatë emisionit se ajo nuk ka një marrëdhënie të mirë me gatimin, aq sa harroi edhe recetën që do të përgatiste në studio.
E gjendur në një situatë të sikletshme, Marjana ka marrë mamin në telefon për t’i kërkuar ndihmë.
“Mami po të marr nga emisioni se u fëlliqa këtu. Kam skuqur gjizën në një tigan, kam skuqur specat në tiganin tjetër, tani ku duhet t’i hedh domatet tek gjiza apo tek specat?”,pyeti Marjana të ëmën.
Pikërisht kjo situatë ka shkaktuar shumë humor në studio dhe në bisedën telefonike me mamin e Marjanës u përfshi edhe Arjola Shehu me Genci Salihun. Falë ndihmës së mamit këngëtarja arriti të përfundonte recetën.
