Artistja e njohur shqiptare, Barbana Dini është fejuar.
Të paktën kështu thonë burime për “Prive” ku mësohet se djali që i ka vjedhur zemrën këngëtares është një biznesmen me origjinë nga Shkodra.
Sipas këtyre zërave ai i ka propozuar këngëtares dhe ajo i ka thënë “po”.
Ndërkohë, Barbana nuk ka reaguar ende në lidhje me këto lajme, por në foton e profilit në “Instagram” ka vendosur një foto ku shihet duke u përqafuar me një mashkull.
Po ashtu, në bio-n e këtij rrjeti social ajo ka vendosur dhe një unazë që simbolizon një lidhje.
Barbana njihet si motra e këngëtarit të njohur Ergi Dini, i cili ndërroi jetë pas një aksidenti rrugor fatal.
Familjarët, miqtë e kolegët e kujtojnë shpesh të ndjerin, madje motra e tij Barbana Dini solli më herët “bashkëpunimin” me Ergin, me këngën me të cilën ai po punonte para se të humbte jetën.
Ergi kishte një lidhje shumë të ngushtë me motrën e tij, Barbanën, e cila para një viti në ditën e tij të lindjes i ka bërë një dedikim vëllait, me të cilin na theu zemrat të gjithëve. Këngëtarja ka publikuar në Instagram një fotografi të Ergit dhe fjalët që i ka kushtuar janë shumë prekëse.
“Sot është dita jote e lindjes! Sa dhimbje e madhe është të kesh shumë gjëra për të thënë dhe të mos kesh mundësinë t’i thuash, sepse asnjë fjalë nuk ka më vlerë dhe nuk ndryshon asgjë… Sa dhimbje të jetosh pa ty, sa dhimbje të mos kesh prezencën tënde për t’i dhënë kuptimin që kishte jeta me ty… Sa gjëra do të doja të t’i thosha”, ka shkruar Barbana.
