Këngëtarja shqiptare bashkëpunim me producentin e Beyonce

Ajo po i rikthehet sërish tregut muzikor! Anxhelina Hadërgjonaj ka publikuar dy projektet e saj më të fundit në llogarinë Souncloud, vetëm pak ditë më parë. Këngët e titulluara “Love u Better” dhe “Do it Rite” janë në gjuhën angleze.

Të dyja këto projekte janë krijuar nga Sidney Swift, emër ky që nuk është i panjohur në tregun ndërkombëtar. Swift ka krijuar edhe këngën “7/11” të Beyonce. Ai gjithashtu ka punuar me yje si: Beyonce, Nicki Minaj, Big Sean, Justin Bieber, etj.

Vajza e Albërie Hadërgjonaj është shkëputur prej vitesh nga tregu muzikor, ndërsa kujtojmë paraqitjen e saj më 2011-n në Top Fest 8, ku mori çmimin “Artisti i ri më i mirë”.