Janet Jackson i ka dhënë fund martesës me multimiliarderin nga Katari, Wissam Al Mana, vetëm tre muaj pasi çifti solli në jetë fëmijën e tyre të parë, djalin Eissa.
Çifti kishte 5 vjet martesë, pasi kurorëzoi dashurinë e tyre në vitin 2012.
“Ata janë të dy njerëz të zënë, por të vendosur për të qenë prindër të mirë, edhe pse janë të ndarë. Eissa do të qëndrojë me nënën e tij, e cila jeton në Londër”, tha një burim për “The Mail on Sunday”.
Një burim tjetër u shpreh: “Al Mana ishte bërë shumë kontrollues gjatë shtatzënisë dhe ajo e lejoi që t’i diktonte mënyrën si të paraqitej dhe të performonte në koncerte. Për fat të keq martesa e Jacket dhe Wissam nuk po ecte dhe ata vendosën që t’i jepnin fund”.
Cilado që të jetë arsyeja e divorcit, dyshja ka vendosur që të bashkëpunojë për të mirën e fëmijës së tyre dhe të qëndrojnë miq.
Burimi: Harper’s Bazaar
