Këngëtarja e njohur shqiptare Maya është bërë nëna e një djali prej disa muajsh tashmë.
Emri i djalit të saj është Jonas, një emër në modë në Gjermani, por që ajo e lidh me detin Jon, duke e ndërthurur edhe me Shqipërinë.
E ftuar sot në emisionin e Rudina Magjistarit, Maya ka rrëfyer për herë të parë për një periudhë mjaft traumatike që ka kaluar kur ishte në pritje të ëmbël.
Kur ishte në javën e 36-të, Maya është stresuar shumë pasi nuk e ndjente t’i lëviste bebi.
Ky problem erdhi si pasoje e rritjes se tensionit, gjë që ndodh më së shumti në femrat shtatzënë.
“Lindja shkoi mirë, por një ditë përpara se të lindja, bebja nuk po lëvizte më për arsye të ngritjes së tensionit tim. Fillova të mendoj se diçka seriozisht nuk ishte në rregull. Dy javë para se të lindja nuk më ulej tensioni dhe u ndërpre edhe zhvillimi i bebes, nuk po merrte peshë siç kishte marrë në ato kohë. Herë të tjera kur jam futur në operacion nuk kam pasur frikë apo ankth, por kur do lindja kalova gati gati një gjendje shoku. Kur dëgjova të qarat e para të tij u qetësova”, tregoi Maya.
Fatmirësisht Jonas, lindi i shëndetshëm dhe mami Maya nuk mund të jetë më e lumtur se kaq!
