Aurela Gaçe pranoi vetë zërat për një shtatzëni të dytë! Këngëtarja shqiptare ka qenë gjithmonë shumë e hapur për publikun, ndërsa ka shpjeguar pse ka mbajtur të fshehtë për tre muaj, se është në pritje të një fëmije të dytë.
Përmes një fotografie në rrjetet sociale, këngëtarja 41-vjeçare vendosi ta konfirmojë.
Gaçe dhe bashkëshorti i saj Skerdi janë bashkë prej vitesh dhe fryt i dashurisë së tyre është vajza 5-vjeçare Grace, të cilën Aurela e prezantoi me publikun vetëm pak kohë më parë.
Mes të tjerash në postimin e saj shkruan: “Erdhi momenti të ndaj me ju një ndjesi që nuk përshkruhet me fjalë por vetëm përjetohet. Unë e Skerdi jemi në pritje të fëmijës së dytë. Jam vetëm 15 javëshe (3 muaj e 3 javë), e nuk më dukej e udhës të bëja publike diçka kaq delikate përpara se të kalonin ato muaj që mund të quhen edhe të rrezikshëm për një shtatzëni. I uroj vetes vetëm të jemi mire bebi e unë deri në fund”.
