Këngëtarja me origjinë nga Gjakova, Flaka Krelani e ka pranuar publikisht se vjen në Tiranë enkas për të blerë veshje apo aksesorë në tregun e rrobave të përdorura, gabi.
E ftuar në emisionin “Why Not” në Ora News, ajo ka treguar sinqerisht se është nga ato të famshme që flet hapur pa komplekse.
E pyetur nga moderatorja Roza Lati, se cila është gjëja më e bukur që bën në Tiranë dhe nuk e bën dot në Kosovë, Flaka tha:
“Shkoj te gabi për të blerë rroba.”
Ndonëse artistët njihen për ekspozimin e një jete luksoze dhe veshjeve firmato e të shtrenjta, Flaka zgjedh të bëjë diferencën.
Të famshme të tjera që blejnë në tregun e rrobave të përdorura, janë aktoret Linda Jarani dhe Eliona Pitarka.
