Dita e sotme, 8 maji është një ditë shumë e veçantë për Shkurte Gashin. Kjo pasi këngëtarja e njohur është bërë sërish nënë. Lajmin e bukur e ka bërë me dije partneri i Shkurtes, Albert Limani me anë të një postimi në Instastory.
Bashkëshorti i artistes ka ndarë vetëm dorën e bebushit të sapolindur me ndjekësit në rrjetin social.
“Mirë se erdhe në jetë shpirti i babit,” shkroi ai duke etiketuar Shkurten në postimin e tij. Çifti janë bërë sërish prindër të një djali emrin e të cilit nuk e kanë zbuluar ende.
Kujtojmë që Shkurte Gashi ka qenë gjithmonë diskrete për jetën e saj private.
Ndonëse është një emër shumë i dëgjuar në muzikën shqiptare, shumë pak dimë për jetën e saj personale. Rreth dy vite më parë dyshja sollën në jetë djalin e tyre të parë, Malin.
