Ajo është në qendër të vëmendjes për lidhjen e porsakonfirmuar me këngëtarin Shawn Mendez.
Por, siç ndodh kurdoherë rastësisht në Hollywood, lajmet e mëdha të jetës private i paraprijnë një filmi, koleksioni veshjesh, ose një kënge të re dhe është pikërisht ky rasti i Camila Cabello-s.
Këngëtarja e famshme e “Havana” publikon nesër këngën e re të quajtur “Find You Again” dhe për klipin, duket se ka zgjedhur një shndërrim në look nga brune, në bjonde me baluke.
“Si do t’ia vendosnit emrin kësaj?”, sugjestionon fansat Camila, “Videoja “Find You Again” del nesër.”
Në fakt, look-u i saj i ri na kujton shumë atë të Dua Lipa-s për këngën “Electricity”.
Por sidoqoftë, nuk është se po e akuzojmë për vjedhje apo diçka të tillë; thjesht flokët bjondë të lagur janë shumë seksi dhe për këtë, janë gjithmonë në modë.
