E besoni ose jo, Celine Dion thotë se ajo nuk ka qenë me asnjë mashkull tjetër përveç bashkëshortit të saj. Thuajse një vit që prej ndarjes nga jeta të bashkëshortit, këngëtarja rrëfeu në një intervistë për “CBS” se ai kishte qenë burri i vetëm në jetën e saj, madje i vetmi që ajo ka puthur ndonjëherë.
“Jam ende e martuar me të. Nuk kam puthur asnjë burrë tjetër në jetën time”, rrëfeu Dion. E pyetur nëse shpresonte që të binte sërish në dashuri, ylli i muzikës u përgjigj: “Jo tani!”.
Gjatë së shtunës, 48-vjeçarja festoi performancën e saj të 1000-të në Las Vegas dhe i dedikoi një fjalim prekës bashkëshortit të ndjerë, Rene Angelil. Dion e njohu atë në moshën 12-vjeçare dhe nisi lidhjen me Angelil kur ishte 19 vjeç. Gjatë takimit të tyre të parë, kur ai ishte 38 vjeç, “mendova se ai ishte shumë i bukur. Ai dukej fantastik”.
Burimi: Daily Mail
