Largimi nga jeta e Karl Lagerfeld më 19 shkurt ishte një humbje e madhe për botën e modës, por ikona la pas trende e veshje, të cilat do t’i rezistojnë gjithmonë kohës.
Ndërkohë që të famshmit dhe personat që dashuruan punën e tij vazhdojnë ta kujtojnë, në profilin e tij në Instagram vazhdojnë të publikohen shprehje apo momente të shkëputura gjatë punës së tij.
Profili i tij i Instagram-it menaxhohet nga ekipi i Karl-it, të cilët vazhdojnë t’i përkushtohen njësoj detyrës.
https://www.instagram.com/p/BuI8YozHJCS/
Por ajo që bie në sy është se mes 184 ndjekësve, ndodhet edhe emri i këngëtares së njohur Jonida Maliqi, e vetmja shqiptare në listën e tij.
Pjesa më e madhe e profileve që ndiqen nga Karl janë të markave të modës, të revistave apo disa personazhe të famshëm.
Në profilin e tij të Instagram-it është pasqyruar puna e dizajnuesit të modës dhe rrallë ndonjë foto e tij apo e maces Choupette.
Lagerfeld qëndronte shumë kohë me macen e tij me qime të bardha, e cila ka edhe një profil të sajin në rrjetet sociale. Mendohet se pasuria e Lagerfeld vlente afërsisht 200 miliardë dollarë në kohën e vdekjes së tij.
