Selena Gomez nuk është e vetmja që vuan nga sëmundja e njohur si Lupus. Këngëtarja Toni Braxton gjendet prej katër ditësh në gjendje të rëndë në spital, tha TMZ.
Ende nuk dihet nëse ajo shkoi në spital për t’u vizituar apo u transportua me urgjencë.
Këngëtarja e njohur, e cila bëri publike sëmundjen e saj në vitin 2010, ndodhet në një spital në Los Angeles dhe krah saj ndodhet i dashuri Birdman. Ajo u vendos fillimisht në një spital në Atalanta, për t’u zhvendosur më pas në mënyrë që të vazhdonte trajtimin.
Një zëdhënës i Toni Braxton deklaroi se këngëtarja së fundmi ndihet më mirë dhe se së shpejti do të nisë provat për koncertin.
Vetëm pak ditë më parë, Gomez gjithashtu u shtrua në një qendër rehabilitimi për t’u kuruar nga depresioni, i shkaktuar pikërisht nga kjo sëmundje. Braxton, ashtu si edhe këngëtarja tjetër Selena Gomez, prej vitesh trajtohen për sëmundjen e cila konsiston në hiperaktivitetin e sistemit autoimunitar, i cili fillon të sulmojë indet e shëndetshme të trupit.
I dashuri i saj Birdman, me të cilin ka nisur një lidhje në fillim të këtij viti, raportohet se mori një avion për në Nju-Jork, për të qenë pranë saj.
Burimi: TMZ
