Janë të shumtë personazhet e famshëm, të cilët po pranojnë dita – ditës problemet e tyre me depresionin, ankthin dhe ataket e panikut. Këtë herë, është këngëtarja Noah Cyrus, e cila rrëfeu për “L’Officiel USA” luftën e saj me ankthin dhe depresionin.
18-vjeçarja,motra e Miley Cyrus, tregoi se muzika dhe arti që ajo përcjell për fansat janë përjetime personale dhe kërkon të ndërgjegjësojë sa më shumë persona në lidhje me këtë situate, që të kërkojnë ndihmën që iu duhet.
“Shumë njerëz të gjykojnë dhe tallen me ty në internet. Ka të tjerë, që të bëjnë të ndihesh si e çmendur në momentin që po has vështirësi me depresionin, ose po përjeton atake paniku. Është kaq shumë e vështirë të injorosh të gjithë ndjenjat që po përjeton.” – u shpreh këngëtarja.
Të hënën, Cyrys publikoi këngën e saj më të re në bashkëpunim me të dashurin Li Xan, që mbante titullin “Live or Die”.
