Laura Nezha aktore në profesion, por këngëtare në pasion. Të gjithë e kujtojmë me performancën e saj drithëruese në Kënga Magjike 2011, me këngën “Jo se di”, e cila është ngulitur thellë në mendjen e publikut.
Prej një kohe të gjatë nuk e kemi të parë të ngjitet në skenat muzikore, duke iu përkushtuar dashurisë së saj të parë, teatrit.
Pas 6 vitesh mungesë Laura ka vendosur të vijë për publikun si këngëtare, pikërisht aty ku ajo u skalit në memorien e fansave, në “Kënga Magjike”. Këtë rikthim këngëtarja në e ka paralajmëruar nëpërmjet një postimi në “Instagram”.
“Pas shumë vitesh, rikthehem me emocione për skenën ku prezantova këngën time të parë, në Kënga Magjike “Je dashuri” të dielën”: shkruan ajo.
Për promovimin, Laura ka realizuar dhe një set fotosh me një fustan të ngushtë që na kujton pamjen e saj vite më parë në Kënga Magjike.
