Këngëtari Mateus Frroku ka ndarë me shikuesit një nga momentet më të sikletshme gjatë jetës së tij. I ftuar në emisionin “Një kat më lart”, ai tregoi se kishte abuzuar me alkoolin gjatë dasmës së mikut të tij të ngushtë dhe përfundimin mund ta merrni me mend.
“Kisha një koncert në Durrës, e mbarova dhe s’kisha ngrënë asgjë. Nisem për në Shkodër teksa kisha marrë një shishe për ta pirë me shokët. U nisa, fillova të pija. Mbaroi që në Fushë Krujë. Shkova në dasëm, më hahej dhe nuk hëngra prap. Bëra të kundërtën, ja nisa me raki e verë. E imagjinoni vet. Më ftojnë për të kërcyer. U ngrita, ja mora kërcimit dhe fap… rashë në tokë’’ – tregoi këngëtari.
Mirëpo historia nuk mbaron me kaq. Ai u shoqërua menjëherë në spital dhe ka disa foto që ia kujtojnë hera herës këtë ndodhi.
