Ata u përpoqën ta mbanin të fshehtë sa të mundnin fejesën, por u dorëzuan shpejt.
Në dhjetor këngëtari i njohur, Skerdi kurorëzoi dashurinë me Vesa Ramën, gazetaren e Klan Kosovës.
Ai ndau me ndjekësit një video me personin e zemrës ku shprehej:
“Është e vetmja gjë që kurrë nuk mbahet fshehur sepse është momenti më i bukur në jetë – Dashuria. Do të doja që çdo njeri të ndihet i lumtur ashtu siç unë tani”.
Por pak minuta më parë vumë re se Skerdi Ago i ka fshirë të gjitha imazhet në rrjete sociale, për të postuar vetëm tri përmes së cilave fsheh një mesazh.
Skerdi ka publikuar së pari një fotografi, në të cilat shihet një buqetë me lule, e pas saj dy duar të një çifti.
Së fundi, ai ka publikuar një foto, në të cilën shihen dy unaza martese, përmes së cilës ka shtuar dyshimet se ai dhe partnerja e tij, Vesa, janë martuar.
