Një furgon u fut në mes të turmës dhe vuri përpara çfarë gjeti mesditën e djeshme në Barcelonë, ku mbeten 13 persona të vdekur e më shumë s’e 100 të plagosur.
Mijëra qytetarë janë shokuar nga kjo ngjarje makabre, të njëjtin tmerr ka përjetuar edhe këngëtari shqiptar Gjon Karrica.
Këngëtari i kontaktuar nga Prive ka rrëfyer se ka qenë pranë zonës ku ka ndodhur ngjarja dhe është tmerruar.
‘Unë në atë rrugë kam kaluar çdo ditë pasi është atraksion dhe një ndër më të vizituarat. Kam qenë afër kur ka ndodhur ngjarja dhe jam tmerruar nga ato skena. Një prej atyre njerëzve kam mundur të jem edhe unë. Gjithçka ka ndodhur shpejt dhe ka lënë një tmerr prapa. Uroj që më të mos përsëriten gjëra të tilla sepse është një tmerr, një ankth, ngjarje që s’do më hiqet nga mendja’, tha Gjoni.
