Që vajzat i ka pikë të dobët, këtë e ka treguar sa herë i jepet mundësia.
Por, Ermal Fejzullahu dhe bashkëshortja e tij Ariana duhet t’i duan me të vërtetë shumë vajzat, pasi gjinia e fëmijës së katërt të çiftit sapo u zbulua dhe është përsëri një vajzë!
Lajmin e publikoi “Prive”, një muaj pasi burime të afërta të çiftit konfirmuan shtatzëninë e katërt për familjen Fejzullahu.
Jo vetëm ka një marrëdhënie shumë të afërt me vajzat e tij Bunën dhe Erën, por në një intervistë të mëparshme për “NiN”, Ermal Fejzullahu rrëfeu se është edhe pak fanatik, kur vjen fjala për të mbështetur dëshirën e vajzës së madhe, Bunës, për t’u bërë këngëtare.
Çifti ka edhe një vajzë më të vogël, Erën, ndërsa më i madhi prej tyre është djali Art.
Ermali dhe Arjana u martuan në vitin 2008, pas një periudhe njohjeje prej 1 viti e gjysmë.
Vetëm rreth një vit pas martese, Arjana ishte në pritje të ëmbël të fëmijës së tyre të parë.
Në mars të këtij viti, mediat publikuan lajmin se çifti janë në pritjen e katërt të ëmbël.
Më 31 mars, Ermali e konfirmoi vetë shtatzëninë gjatë intervistës në “1 kafe prej shpisë”, ku tha se ndihen shumë të lumtur, pavarësisht ndonjë xhelozie nga ana e vajzës së vogël, e cila është vetëm 5 vjeçe.
