Ronela Hajati është një ndër këngëtaret e cila eksperimenton më shumë me pamjen e saj, sidomos me ngjyrat e flokëve. Të gjitha ngjyrat e mundshme që ekzistojnë janë aplikuar në flokët e Ronelës. Së fundmi ajo ka vendosur të bëhet brune. Flokë të zinj dhe baluke të shkurtra të drejta. Ajo është një ndër këngëtaret që ka më pak frikë nga të gjithë nga ndryshimet drastike të pamjes së saj.
Adelina Berishën e kemi parë gjithmonë me flokët e gjata bionde, në muajin mars ajo vendosi të ndryshoj look. Flokë brune të gjata dhe me baluke. Një ndryshim që nuk do të zgjaste shumë kohë, pasi Adelina iu rikthye përsëri ngjyrës bionde.
Juliana Pasha është një ndër këngëtaret shqiptare që me zërin e saj potent ka rrëmbyer zemrën e publikut. Para 7 muajsh ajo ndryshoi pamjen e saj duke shkurtuar flokët e gjatë. Mund të themi se me këtë model të ri flokësh Juliana duket shumë tërheqëse, duke u bërë kështu edhe pjesë e tendencave më të fundit të modës.
Këngëtarja Big Mama është një ndër këngëtaret e trevave shqiptare që ka pësuar ndryshimin më të madh në pamjen dhe fizikun e saj. Ajo është dalluar gjithmonë për përmasat e saj trupore të mëdha. Pas një ndërhyrjeje kirurgjikale për ngushtimin e stomakut, ajo ka ardhur në një formë që i ka lënë të gjithë më gojë hapur.
Venera Lumani gjithashtu ka bërë ndërhyrje në pamjen e saj. Përveç flokëve që këtë vit janë më të gjatë, më natyral, këngëtarja ka pranuar publikisht se ka bërë ndërhyrje estetike në hundë. Venra ka dashur një hundë të përsosur dhe ja ka arritur me sukses. Pamja e saj e re është pëlqyer nga të gjithë.
Këngëtarja Mimoza Shkodra vendosi të rifreskonte pamjen e saj pas fejesës me Seldin. Ajo i preu flokët me bluke dhe ngjyrën e flokëve e bëri më natyrale. Një ndryshim që i dha një tonalitet më të freskët në pamjen e saj.
Jonida Maliqi është një ndër këngëtaret shqiptare që frymëzon shumë vajza me veshjet e saja. Ajo është kthyer në të njëjtën kohë edhe në një blogere të famshme që ndiqet nga shumë vajza që inspirohen prej saj. Pavarësisht eksperimenteve të shumta me veshjen, Jonida është një ndër këngëtaret shqiptare që tregohet shumë e kujdesshme për pamjen e saj dhe ndryshimet në to janë më të rralla. Gjatë muajit nëntor ajo ka ardhur me një ndryshim në flokët e saj. Flokë që duken si natyrale, por me të shkurtër. Pritet që kjo të jetë edhe tendenca më e fundit në botën e modës përsa i përket stilit të flokëve.
Burimi: Iconstyle.al
