Në formë proteste disa prej këngëtarëve të njohur bojkotuan “Top Awards Albania”! Ata që kanë konfirmuar vendimin për mos pjesëmarrjen e tyre në ceremoninë e ndarjes së çmimeve janë këngëtarët e grupit “Babastars” dhe Dafina Zeqiri.
Reperi Getoar Selimi vendosi të mos performonte me asnjë këngë të tijën ose të grupit “Babastars”. Mësohet se pakënaqësia e këtyre artistëve më vlerësimin e tyre nëpër nominime dhe ndjenja se do të manipulohen ka bërë që ata të tërhiqen.
Getoari mësohet se ka arsyetuar vendimin e tij me faktin se, zgjedhja për fituesin vjen nga organizatorët e eventit dhe jo nga publiku.
Më parë mospjesëmarrjen dhe injorimin kanë konfirmuar këngëtarë si Etnon, 2Ton, Genta Ismajli dhe 2Po2. Ky i fundit, madje po përgatit një këngë në shenjë revolte ndaj festivaleve në përkrahje të vlerave të artistëve.
“Top Awards” këtë vit ka ndërruar formë dhe organizim teksa udhëhiqet nga trashëgimtarja e “Top Channel”, Lori Hoxha, e përballur me shumë kritika mbi vlerësimin e artistëve dhe nominimeve.
