Si çdo vit, “Variety” ka publikuar listën e këngëve më të dobëta të vitit 2024, duke përfshirë disa krijime që dështuan të përmbushin pritshmëritë, dhe të tjera që u bënë pjesë e kësaj liste për shkak të problemeve të theksuara krijuese.
“Think U the Shit (Pard)”
Një këngë që duket se u krijua pikërisht për të hyrë në listën e më të këqijave. Pa ndonjë vlerë të vërtetë artistike, ajo e arriti qëllimin për të shkaktuar zhgënjim.
“Woman’s World”
Përpjekja për të krijuar një himn fuqizimi dështoi, duke lënë pas një përshtypje më të fortë për tallje sesa për motivim. Vargjet e dobëta dhe mungesa e një mesazhi të qëndrueshëm bënë që ky projekt të jetë i pavlerë.
“143” – Katy Perry
Një tjetër këngë e Katy Perry që synonte rikthimin e lavdisë së saj të dikurshme, por u përplas me një tjetër dështim të ngjashëm me “Woman’s World”, duke thelluar ndjeshëm krizën e saj krijuese.
“Eyes Closed” – Imagine Dragons & J Balvin
Ky bashkëpunim nxori më të keqen nga të dy artistët, duke rezultuar në një këngë të sheshtë dhe të harrueshme.
“Ms Poopie” – Ice Spice
Pjesë e albumit të debutimit “Y2K”, kjo këngë shënoi një pikë të ulët për Ice Spice. Vargjet e dobëta dhe mungesa e energjisë e bënë këtë krijim të lehtë për t’u harruar.
“Big Foot” – Nicki Minaj dhe “Hiss” – Megan Thee Stallion
Bashkëpunimi i Nicki Minaj dhe Megan Thee Stallion nxori disa kontradikta dhe tensione mes tyre. Përkundër disa vargjeve të fuqishme nga Megan, kënga e Nicki Minaj u kritikua për një ASMR të çuditshëm që nuk pati ndikim pozitiv.
“Karma” – JoJo Siwa
Në një tentativë për t’u larguar nga imazhi i saj i ëmbël dhe për të bërë një hap drejt një identiteti më të fortë, JoJo Siwa dështoi të bindte me “Karma”, një këngë që tingëllonte më shumë si një jingël se sa një deklaratë muzikore.
“I Luv It” – Camila Cabello dhe Playboi Carti
Ky bashkëpunim shumëgjuhësh ka dështuar të ngjallë ndonjë interes të vërtetë. Vargjet e paqarta të Playboi Carti-t dhe një prodhim të ngjashëm kanë bërë që kënga të kalojë pa lënë ndonjë gjurmë.
“I Don’t Wanna Wait” – David Guetta dhe OneRepublic
Ky bashkëpunim i David Guetta dhe OneRepublic u kthye pas në kohë, duke ofruar një këngë që duket sikur ka mbetur në dekadën e kaluar. Dështoi të përmbushë pritshmëritë e larta që mund të priteshin nga dy artistë të tillë.
“Spicy Margarita” – Jason Derulo
Jason Derulo përsëriti formulën e tij të zakonshme me “Spicy Margarita”, por për fat të keq, kënga nuk solli asgjë të re dhe është e lehtë për t’u harruar, duke u bërë një krijim pa substancë.
Këto këngë janë shembuj të asaj që ndodh kur kreativiteti dështon, duke lënë pas vetëm produktet që mund të harrohen shpejt.
