Pas ndarjes nga Chiara Ferragni, reperi Fedez ka vendosur të bëjë disa sqarime të rëndësishme, ku përmendi gjithashtu edhe miqtë apo bashkëpunëtorët e saj. Për këta të fundit, reperi italian nuk u kursye aspak teksa u shpreh se nuk ka ndërmend t’i falë.
Sa i takon raportit me Chiara Ferrgani-n ai tha se nuk i mban asnjë inat, pasi ajo është nëna e fëmijëve të tij, shkruajnë mediat italiane. Fedez ka dashur t’u përgjigjet atyre që e akuzojnë se kënga e tij e fundit në bashkëpunim me Emis Killa është sulm kundra Chiara-s.
“Mendoj se jam treguar mjaft i sjellshëm në lidhje me marrëdhënien me Chiara-n. Për të kam vetëm respekt. Nuk do të hedh poshtë nënën e fëmijëve të mi. Por situata ndryshon për miqtë dhe bashkëpunëtorët e saj. Ndaj tyre nuk kam kurrfarë dhembshurie dhe as nuk do të kem”, tha ai.
