Ditën e sotme Dafina Zeqiri dhe Lumi B kanë publikuar këngën e tyre më të fundit.
Ajo mban titullin “Lule lule” dhe është ripërpunim i këngës arbëreshe.
Artistët janë bazuar tek notat dhe muzika e kësaj kënge, e cila është një hit i të gjitha kohërave.
Versioni i ri përcjell ritme verore dhe që në minutat e para të publikimit është pëlqyer shumë nga publiku.
Në klip sigurisht që vëmendje ka tërhequr edhe Dafina, e cila ka eksperimentuar me disa veshje dhe modele flokësh.
Së fundmi ripunimi i këngëve të vjetra është kthyer në trend për artistët shqiptarë, të cilët herë pas here na rikujtojnë këto perla të viteve të kaluar. Ndër to mund të përmendim “200 ditë” të Capital T, “Kthema kohën” nga Cricket apo “Ani mori nuse” nga NRG BAND.
