Tre vite pas këngës “Lutem unë sot”, Klajdi Haruni vjen me një rikthim në baladë. Veç këngëve ritmike si “Mamica” apo “Beqar”, zhanri i baladës duket se i shkon kaq përshtat këngëtarit nga Korça.
Por këtë herë nuk i këndon dashurisë mes një çifti, por asaj më të madhe, dashurisë së babait për të bijën dhe anasjelltas te “Vajzat e babit”.
Kjo është një këngë e dhimbshme ku bëhet fjalë për fëmijë, të cilët e kanë humbur babanë, ndërkohë që ky i fundit i jep forcë edhe pse nuk jeton më.
Videoklipi është i thjeshtë, ku Klajdi paraqitet i vetëm përpara mikrofonit dhe në disa raste ka pamje nga fëmijët të cilëve ju drejtohet dhe kënga. Sigurisht ky klip i shkon përshtat kësaj balade së cilës duhet t’i dëgjosh mirë muzikën dhe tekstin, sepse ato janë elementet që do t’ju emocionojnë vërtetë.
