Reperi me origjinë shqiptare, Gashi, është kthyer në një ndër artistët më të njohur në mbarë botën, këngët e të cilit tashmë janë hite.
Së fundmi, reperi ka lançuar albumin e tij të parë dhe pjesë e tij është edhe kënga e titulluar “Mr. Ferrari”.
Teksa ka ndarë videon e këngës me ndjekësit e tij në Instagram, Gashi ka treguar se ferrari i kuq i kujton atij një histori të hidhur me ish-të dashurën.
Krahas videos, Gashi shkroi:
“Kjo këngë u bë kur rashë në dashuri më njeriun e gabuar…prindërit e saj nuk na lejonin bashkë sepse nuk kisha para mjaftueshëm në xhepa…Shkova në dasmën e saj, me një Ferrari që kisha marrë me qera me paratë e kontratës dhe u ndjeva aq mirë kur pashë ata të më shihnin teksa largohesha më makinë.”
Duket se reperi është penduar që na e ka treguar këtë histori, pasi e ka fshirë më pas.
Megjithatë, “Prive.al” ka ruajtur një screenshot të rrëfimit të tij.
