Gjashtë muaj më parë erdhi në jetë fëmija i parë i Kylie Jenner me reperin amerikan Traviss Scott, të cilën e pagëzuan me emrin Stormi.
Që nga ajo ditë, interneti “zien” të mësojë më shumë se çfarë nëne është 20-vjeçarja. Mirëpo këtë sekret e ka zbuluar motra e saj Kendall Jenner, e cila në një intervistë për “People” është shprehur se Kylie është një nënë e mrekullueshme.
“Ajo është e shkëlqyer. Ajo ka lindur për të bërë këtë gjë. Është një nënë e paparë” – tregoi Kendall.
Kendall gjithashtu rrëfeu se me Stormi-n ka një lidhje të veçantë që nuk e ka përjetuar me nipërit dhe mbesat e tjera.
“I dua shumë nipërit dhe mbesat, sidomos kur e di se do i kthej te prindërit e tyre. Por nuk dua ta fsheh se me Stormi-n kam një lidhje tejet të veçantë. Nuk e di nëse kjo lidhet me faktin që Kylie është motra ime e vogël, por edhe Stormi ndihet shumë rehat me mua dhe kjo më lumturon pa masë.” – përfundoi Kendall, ku foli për marrëdhënien me nipërit e mbesat e familjes së madhe Kardashian.
