Supermodelja dhe ylli i “Keeping up with the Kardashians”, Kendall Jenner 21 vjeç është rrëfyer për herë të parë për luftën e saj me aknet. Kendall thotë se është një vajzë e zakonshme dhe flet hapur për betejën që ka pasur me aknet, që nga adoleshenca deri në ditët e sotme.
Kris Jenner, e ëma e Kendall postoi një video në Twitter, ku parajmëronte se Kendall do të fliste për një ” histori të pa thënë më parë” dhe pas shumë spekulimeve, njoftimi u bë pasi Kendall u bë imazhi i një kremi kundër akneve. Në videon e reklamës Kendall thotë se kur ishte 14 vjeçe kishte shumë pasiguri, kishte ditë që ajo shpërthente në lot, por motrat e saj Kourtney, Kim dhe Khloe ishin aty për të duke e ndihmuar që të qetësohej.
“Nuk i shihja dot njerëzit dhe kur flisja me ata mbuloja fytyrën me dorë.”- shtoi ajo
Ajo foli dhe për krahasimin që i bënin me motrat e saj që kishin fytyrë të pastër.
“Pjesa më e madhe e motrave kishin një lëkurë të bukur. Kur isha e vogël shihja se sa të bukura ishin dhe sa lëkurë fantastike kishin motrat e mia.”
Shpesh ajo pyeste veten:”Çfarë po ndodh me mua?”
Kendall gjithashtu shton se vëllai i saj Rob Kardashian dhe motra e saj Khloe kanë vuajtur kur ishin adoleshentë nga aknet, por jo sa Kendall.
Si përfundim, ajo tha se nuk do të lejonte që aknet ta mëposhtnin apo të quhej “vajza me akne”. Supermodelja është e bindur që në fund të ditës, gjërat më të rëndësishmë në jetë janë njerëzit që e rrethojnë, sepse në qoftë se nuk do të kishtë pranë njerëz të mirë , shokët dhe familjen nuk do të kishte mundur të fitonte vetëbesimin.
