Edhe pse është vetëm 20 vjeç, ajo është një ndër modelet më me influencë në botë në këtë moment, me18 milionë ndjekësit e saj në “Twitter” dhe 61 milionë në “Instagram”.
Revista ‘Allure’ ka shkruar për ‘rritjen e vazhdueshme të Kendall Jenner’ në botën e modelingut. Përse jemi të giithë të fiksuar kaq shumë pas saj?!
Shikuesit e serialit “Keeping Up With Kardashians” në SHBA kanë shpenzuar plot nëntë vjet duke parë Kendall të rritet dhe të shkojë drejt suksesit.
Pavarësisht vëzhgimit publik, ajo ka një grimë të një vajze misterioze që nuk vjen sepse Kendall përpiqet të duket e tillë.
“Dua që Instagram-i im të duket mirë. Ju shikoni faqet e njerëzve dhe ajo që shihni janë selfie-t apo belfie-t e tyre. Mos ma merrni për keq, edhe unë dua një belfie të mirë. E postoj një të tillë njëherë e një kohë”, thotë Kendall.
Ajo shprehet se i kontrollon rrjetet e saj sociale, por, në mënyrë të konsiderueshme, ato nuk e kontrollojnë dot atë. Në “Twitter”, Kendall ka shkruar kohët e fundit: “Largojeni atë (celularin) dhe bisedoni me mua”, duke u bazuar në një këngë të James Blake, por kjo shprehje është edhe motoja e saj.
“Më duket fyese në qoftë se ju jeni me dikë në një darkë dhe ata rrinë me kokën ulur duke parë telefonin e tyre gjatë gjithë kohës. Unë e marr këtë si personale. Si, nuk jam aq interesante sa të bisedoni me mua? Është kaq e çmendur, sepse edhe pse ne flasim për të tashmen, të gjithë e kanë mendjen te e ardhmja”.
Kendall kujton një kohë kur ajo me motrën e saj të vogël, Kylie, shkuan në një vend të mrekullueshëm dy vjet më parë. “Ishte hera e parë që ne kishim qenë ndonjëherë në një vend të bukur, dhe ishim ulur në makinë. Unë isha duke soditur jashtë, ndërsa Kylie merrej me telefonin e saj. Është një çmenduri për mua që nuk po e përjetonte një pamje të tillë. Ky ishte momenti që nuk më pëlqeu dhe më goditi. Kështu që ndonjëherë unë e fshi “Instagram”-in ose “Twitter”-in ose “Snapchat”-in nga telefoni për disa ditë”.
Kendall shprehet gjithashtu se nuk i pëlqen alkooli, (përveç nëse është në Evropë dhe nuk është ligjore). Asaj i pëlqen të pjekë biskota dhe kekë të vegjël.
Dikur një vajzë shumë e turpshme në serialin e Kardashian-s, ajo sot nuk është më e tillë. Nuk mund të qëndrojë më shumë se një natë në shtëpi dhe menjëherë telefonon babanë e saj. Jenner pohon se ajo është një ndër vajzat Kardashian më të çuditshme. “Unë jam super e çuditshme”, thotë ajo.
Burimi: Allure
*Shfleto galerinë
