Fytyra e Kendall Jenner është vënë në shënjestër të akuzave për ndërhyrje estetike këto kohët e fundit.
Hollywoodlife.com ka publikuar një artikull ku shkruhet se janë pyetur tre mjekë për të treguar nëse modelja e njohur ka bërë operacione plastike në fytyrën e saj.
Kendall Jenner është një vajzë e bukur dhe fytyra e saj e freskët e ka kthyer modelen 22-vjeçare në ikonën e kopertinave të revistave më të mira. Por me sa duket Kendall është duke u endur pas përsosmërisë kohët e fundit.
Sipas mjekëve, ajo patjetër që ka bërë buzët, mollëzat, për t’i theksuar ato edhe më shumë dhe nuk mbaron me kaq.
“Duket sikur hunda e saj është ngushtuar pasi ka qenë më e gjerë në të kaluarën”, shtojnë mjekët të cilët dyshojnë se Kendall mund të ketë bërë ndërhyrje edhe në hundë.
“Bazuar në fotot në shtyp, është shumë e vështirë të përcaktohet se çfarë procedura ka pasur. Kënde të ndryshme dhe ndriçimi luajnë një rol në atë sesi dikush mund të duket ndryshe nga fotografia. Duket se ajo ka pasur ndërhyrje në buzën e saj, e cila quhet Philtral Column”, theksoi kirurgu kryesor plastik Dr. Elie Levine në Kirurgjinë Plastike & Dermatologji të NYC.
Megjithatë duke parë fotot ndër vite, ndryshimi është i dukshëm edhe për një joprofesionist në fushën e estetikës.
