Kendall Jenner është e vetmja vajzë e Kris Jenner që nuk ka fëmijë, pra që nuk është bërë ende nënë.
Shpesh herë modelja bën shaka me këtë fakt, veçanërisht kur pozon në mesin e motrave me fëmijët e tyre dhe bashkëshortët.
Por në një postim të fundit, Kendall-it duket se i ka mbetur hatri pasi emri dhe fotoja e saj mungonte në një dedikim prekës që kishte bërë nëna e saj Kris.
63-vjeçarja hyri Instagram për të ndarë urimet e saj për Ditën e Nënës për të gjitha vajzat e saj që janë bërë me fëmijë.
Ajo kishte bërë një kolazh me fotot e gjithsecilës dhe nuk mungonte as e ëma e vetë Kris Jenner.
“Gëzuar Ditën e Nënave të gjitha nënave të bukura këtu dhe femrave që janë figura amësore për dikë special. Mami im i mrekullueshëm MJ të dua më shumë se ç’mund ta dish ti. Faleminderit që më rrite të e fortë dhe të pavarur dhe që më do ashtu siç e bën ti”.
I gjithë ky postim ka bërë që Kendall të bëhet disi xheloze dhe t’ia shprehë të ëmës me një koment, ku shkruan: Edhe unë të dua mami!
Duke vërejtur mungesën e saj dhe të vëllait Rob, bukuroshja 23-vjeçare la një koment epik që ka marrë afër 40 mijë pëlqime nga ndjekësit e modeles.
Më pas ajo vendosi të urojë të gjyshen për Ditën e Nënës, duke “harruar” të ëmën.
Epo shpresojmë që vitin tjetër, Kendall të jetë në listën e nënave dhe t’iu bashkohet motrave!
