Varëset “choker” me copë të zezë ishin kthyer në një aksesor që e shikonim kudo gjatë viti të kaluar. Dhe Kendall Jenner është pjesë e personave që e solli si trend.
Por tani modelja është gati që ta ndryshojë këtë trend që e dashuronte dhe e ndihmoi që të bëhej e famshme.
“Është kaq argëtuese se si trendet vijnë dhe ikin. Në një minutë jam tërësisht e dhënë pas tij dhe ditën tjetër ndihem sikur nuk dua ta shikoj kurrë më. E di, që unë vishja “choker” me copë të zezë gjithë kohës dhe nuk po them që nuk i dua akoma, por jam ngopur për momentin”, shkroi modelja 21-vjeçare në uebsajt.
Por asaj nuk do t’i mungojë shumë aksesori, pasi e ka zëvendësuar tashmë me një tjetër të preferuar: “choker”-in me zinxhir.
“Në vend të copës, jam e fiksuar me “choker”-in prej zinxhiri apo diamantin tani. Çdo ndërthurje materialesh është shumë interesante. Pëlqej që të vendos sa më shumë bizhuteri “cool” sa mundem, por pa u dukur e ekzagjeruar”, shprehet Kendall.
Burimi: Harper’s Bazaar
