Mbrëmja e Shën Valentinit duket se e joshi modelen Kendall Jenner për të bërë publike romancën e saj.
Zyrtarisht, ylli i familjes Kardashian është në lidhje me basketbollistin Devin Booker. Ishte vetë Kendall ajo që përmes një postimi në Instagram Story shpërndau një fotografi, teksa gjendej e përqafuar me lojtarin e NBA-së.
Së fundmi është mësuar se modelja ka nisur bashkëjetesën me të dashurin, Devin Brooker, në shtëpinë e saj në Los Angeles.
Ndryshe nga motrat e saj, Kendall duket se ka vendosur ta mbajë lidhjen e saj krejtësisht private dhe larg vëmendjes së publikut.
Kendall Jenner ka pasur një rregull shumë strikt për ta mbajtur jetën e saj private larg Keeping Up Ëith The Kardashians. Sipas producentëve të spektaklit, 25-vjeçarja ja ka bërë të qartë familjes së saj se nëse nuk do të kishte një marrëdhënie më shumë se 1 vit, nuk do ta bënte publike në spektakël.
“Kendall ka pasur gjithmonë këtë rregull. Ajo kishte vendosur se duhej të ishte me dikë për të paktën 1 vit para se ta bënte pjesë të spektaklit, sepse ajo nuk i di gjithmonë cilat janë qëllimet e njerëzve. Për këtë arsye në një farë mënyre ne e mbajmë larg jetën e saj private, vetëm sepse ajo ka pasur një rregull”, ka thënë producenti.
