Aktori shumë i njohur Will Smith, i cili më shumë se me çdo rol tjetër na ka rrëmbyer zemrat me “Princi i Bel Air”, është rrëfyer pa dorashka në një intervistë për “Red Table Talk”.
Ai ka treguar për fëmijërinë e tij me një baba të dhunshëm, fëmijëri që s’ka qenë aspak e lehtë.
Megjithëse në moshë të vogël, Will ka ndjerë përgjegjësinë të mbrojë të ëmën nga i ati abuziv.
Ndaj ai është përpjekur të bëjë sa më shumë batuta të jetë e mundur në mënyrë që të argëtonte babain e tij dhe të mos krijoheshin situata të pakëndshme në shtëpi.
“Babai im ishte i dhunshëm në shtëpi, kështu që një pjesë e tërë krijimit të Will Smith, shakatë, argëtimi, marrëzia, ishin për t’u siguruar që babai im ishte i kënaqur aq sa të mos lëndonte nënën time, ose askënd tjetër në shtëpi.
Unë interpretoja, kërcëja dhe tregoja shaka, ndërkohë që njerëzit që argëtoheshin ishin mekanizmi im mbrojtës”.- ka treguar Will.
Pra, batuat kanë qenë arma e aktorit për të mbrojtur të ëmën.
