Karriera nuk është e vetmja që e vendos Ardian Bujupin në qendër të vëmendjes. Këngëtari ka qenë shpesh nën titujt rozë edhe për sa i përket marrëdhënies së tij me vajza të njohurat të showbiz-it.
Së fundmi kemi të reja nga jeta personale e Ardianit. Artisti i njohur është në një lidhje serioze, të cilën duket se po e shijon në maksimum larg vëmendjes së tepruar.
Burime për “Afterparty.al” kanë bërë me dije se lidhja e tyre po shkon aq mirë sa dyshja kanë plane të afërta për martesë. E kur themi të afërta, sipas të njëjtit burim bëhet fjalë për punë disa muajsh.
Ndonëse akoma mbetet mister emri i vajzës që i ka vjedhur zemrën Bujupit. Sakaq jemi në pritje të një reagimi nga ana e këngëtarit.
“E dashura ime duhet të jetë e dashur, e civilizuar, e respektueshme. Dasmën sidomos nënës sime kam qejf t’ia plotësoj si dëshirë, por duhet edhe të mos kem presion dhe të mendoj për veten. Jam dakord të krijoj familje, por ende nuk ka ardhur momenti.”-është shprehur më herët në një intervistë Ardian Bujupi.
Kujtojmë gjithashtu që disa muaj më parë, afrimiteti i Ardianit me Jasmin Kadriun dhe Sabrinën, nga ana tjetër trazuan rrjetin për disa kohë.
“Jasmina dhe Sabrine i çmoj të dyja dhe kam një lidhje shumë të mirë. Me Jasminën takohemi çdo herë kur vij në Shqipëri dhe e kam shoqe,”-sqaroi asokohe artisti.
