Kejvina Kthellën përfundimisht nuk do ta shohim më në emisionin “Xing me Ermalin” dhe pyetja që kemi të gjithë është: Kush do ta zëvendësojë?
Pak kohë më parë vetë moderatori Ermal Mamaqi hapi audicionet për të gjitha ato që do të duan të bëhen pjesë e këtij emisioni.
“Dua të ndjek ëndrrat e mia. Diçka e bukur më pret në Milano. Do të më shikoni shumë shpejt në një kanal të fuqishëm italian”, tha Kejvina, ndërsa u përlot ndërsa foli për arsyen e largimit të saj.
Por tashmë Kejvina ka dhe një reagim për atë që dëshiron t’i zërë vendin. Ish-velina postoi një foto në Insta Story me një spec djegës në gojë, ku shkroi:
“Vetëm ky speci i kuq më zëvendëson mua tek ‘Xingu’”.
Kështu ajo nënkupton se kushdo që do të vendoset pas saj, askush s’do të jetë aq e mirë sa Kejvina. Ndërkohë ne jemi kuriozë të shohim se kush do të jetë vajza që do të shfaqet këtë të shtunë!
