Së fundmi është përfolur shumë një largim i mundshëm i velinës Kejvina Kthella nga emisioni “Xing me Ermalin”.
“Xing.al” raportoi fillimisht se Kejvina e ka braktisur emisionin në mes të sezonit si pasojë e një konflikti me moderatorin Ermal Mamaqi: “Shkak është bërë fakti që ajo nuk ka marrë vëmendjen dhe dedikimin e duhur nga Ermal Mamaqi.”
“Iconstyle.al” kontaktoi vetë me bukuroshen për ta pyetur nëse lajmi që qarkullon është i vërtetë apo jo, ndërkohë ajo u përgjigj: “As po, as jo. Nuk dua të flas për këtë temë!”
Mirëpo, mbrëmjen e sotme, në emisionin “Xing me Ermalin” gjithçka u zbulua!
Moderatori në mes të emisionit zhvilloi një bashkëbisedim me Kejvinën, ku zbuloi për publikun, se sot, është dita e fundit që do e shohim në emisionin në fjalë, pasi ajo do të largohet në Itali.
Ndër të tjera, Ermali u shpreh se shumë shpejt do ta shohim atë në një kanal të fuqishëm italian.
Gjatë dialogut, nuk munguan edhe lotët nga ana e Kejvinës, e cila pohoi paksa e mërzitur: “Edhe unë duhet të ndjek ëndrrat e mia!”
Për më shumë, njihuni me pjesën e shkëputur nga intervista:
Ermal Mamaqi: Tragjedia ka ndodhur dhe ka goditur një të emisionit tonë! Kejvina, a janë të vërteta lajmet se do largohesh? Po thonë që do ikësh në Itali dhe s’do kthehesh këtu në “Xing”…
Kejvina Kthella: Edhe unë duhet të ndjek ëndrrat e mia.
Ermal Mamaqi: Të kam rrit me këto duar. Të kam rritur dhe followers-at (ndjekësit) në Instagram. Le ta mbajmë mend Kejvinën ashtu të qeshur, lozonjare, të gëzuar. Sot është hera e fundit që do ta kemi si të punësuar. Si e ftuar do jetë herë pas here. E sigurt që do ikësh?
Kejvina Kthella: Po e sigurt!
Ermal Mamaqi: Ku do shkosh?
Kejvina Kthella: Do iki në Itali, në Milano. Diçka e bukur po më pret.
Ermal Mamaqi: Do ta shikoni shumë shpejt në një kanal të fuqishëm italian. Dhe dua të them dy fjalë për Kejvinën. Dua të them se po largohesh në mes të sezonit. Duhet të të hidhja në gjyq. Por për këtë vajzë është e pamundur të kesh ndjenja negative. Unë kam fituar një mike të mirë.
Rikujtojmë se Kejvina Kthella u bë pjesë e emisionit “Xing me Ermalin” në vitin 2017-të. Mbetet për t’u parë se ku do ta shohim në vijim…
