Nga veshjet ekstravagante skenike te një kanotierë e thjeshtë, nga performancat e çmendura te një shëtitje e qetë përkrah vogëlushes së saj. Jeta e ikonës së muzikës, Katy Perry duket se ka ndryshuar kaq shumë!
Kjo e fundit u spikat teksa shëtiste të bijën 6-muajshe, Daisy-n.
Së bashku me partnerin, Orlando Bloom, dyshja ka preferuar ta mbajë imazhin e fëmijës larg paparacëve, ndërkohë që fotografitë e mëposhtme janë të parat, ku këngëtarja shfaqet me bebushen. Nënë e bijë u panë duke shijuar rrezet e diellit në Hawaii, vend në të cilin ndodhen prej disa ditësh.
Orlando ishte i pranishëm në sallën e lindjes, teksa në një intervistë për Jimmy Kimmel Live, këngëtarja tregoi se Bloom ishte tepër mbështetës.
“Ai ishte aty dhe ishte kaq i mrekullueshëm. Më mbante dorën dhe më shihte në sy”, rrëfeu Perry.
Po kështu ajo i rekomandoi çiftet e reja që të filmonin çastin e lindjes së fëmijës së tyre, siç ata bënë.
“Dashuria e tyre për njëri-tjetrin ka shkuar në një tjetër nivel që pas lindjes së vajzës”, rrëfeu një burim për Entertainment Tonight.
Dyshja u fejua në vitin 2019 dhe e kurorëzoi dashurinë këtë vit, në Japoni, në një ceremoni tepër të kufizuar për shkak të masave antiCovid-19. Orlando është baba edhe i një djali, Flynn-it, nga martesa me Miranda Kerr-in.
