Katy Perry theu heshtjen për ndarjen e saj nga Orlando Bloom. Këngëtarja e hitit “Chained to the Rhythm” dhe aktori i “Pirates of the Caribbean” konfrimuan fundin e romancës së tyre , ditën e mërkurë.
Ndërkohë, Perry përdori rrjetet sociale, për të treguar se ajo dhe ish-i dashuri i saj do të mbeten miq dhe se askush nuk është një viktimë apo i keq pasi ndarja ishte miqësore.
Përmes rrjetit social “Twitter”, këngëtarja shkruan: “Si thoni për një mënyrë të re të të menduarit për vitin 2017? Mund të jesh mik apo t’i duash ish-partnerët. Askush nuk është viktimë apo i keq. Shikoni të gjithë jetën tuaj”.
Së fundmi është raportuar se romanca e ish-çiftit nuk ishte menduar kurrë të merrte një drejtim serioz, por ishte thjesht për të shijuar momentin. Çifti përflitet t’i ketë dhënë fund marrëdhënies , për shkak të axhendave shumë të ngarkuara.
Ndërkohë që këngëtarja prezantoi dje një model të ri flokësh, si për të treguar ndryshimin e statusit të lidhjes së saj.
Burimi: Daily Mail
