Dy aktorët e famshëm Katie Holmes dhe Jamie Foxx janë fejuar?! Në fakt kjo është tema që mbushi së fundmi faqet e mediave rozë, duke folur për një fejesë të mundshme të çiftit, pasi u panë të dy në New York me unaza fejese në gisht.
Katie ka pak kohë që mban në gisht një unazë diamanti, duke lënë të kuptojë që marrëdhënia e saj me aktorin fitues të Oscar, ka marrë përmasa më serioze.
Burime të afërta me çiftin thanë për revistën “Ok!”, se çifti është gati që të shpallë hapur marrëdhënien në publik. Madje një mik i tyre u shpreh se ata po mendojnë të martohen në një ceremoni intime, të mbajtur larg syve të medias.
Holmes duket se ende heziton për të ndërmarrë një hap të madh, sepse ajo nuk e di si do reagojë e bija Suri dhe ish-bashkëshorti Tom Cruise, reagimi i këtij të fundit e tremb aktoren shumë. Kjo për shkak se mund të zemërohet që vajza do ketë një tjetër figurë atërore.
Burimi: Daily Mail
