Gjatë emisionit të “Përputhen PRIME” në qendër të vëmendjes ka qenë situata e Erjonit në program, ku duket se po krijon një pëlqim edhe për Rrushën.
Ky diskutim ka nisur në momentin që u transmetuan disa pamje ku marrëdhënia midis Rrushes dhe Erjonit duket se ishte më e afërt se kurrë. Ata kanë shkëmbyer biseda dhe përqafime me njeri-tjetrin, edhe pse ishin shprehur që midis tyre nuk ka patur kurrë asgjë.
E pyetur nga moderatorja, Rrushja tha se ka fillur të ketë një pëlqim për Erjonin dhe mënyrën e tij të komunikimit. Ajo tha se do të kishte dashur të kishte një takim me të, për të parë se si mund të shkonte.
“Nuk kam patur as fillim dhe as fund me Erjonin. Tani që e njoh më mirë, më pëlqen shumë e folura e tij, sjellja e tij. Ndoshta e kam ofenduar padashje sepse ka agravuar situata. Më pëlqejnë shumë fjalët e tij në backstage. Do të kisha dëshirë të bëja një takim me Erjonin për të parë nëse do të kisha fillim ose fund me të.”
Ndërkohë, edhe Erjoni ra dakord me deklaratën e Rrushes.
“Unë e kam thënë që në fillim që para shumë vitesh kemi pasur flirtime dhe provokime të shumta. Do të ishte bukur të kishim një takim për të parë nëse do të kemi kimi.”- u shpreh ai.
Lidhur me këtë situatë, ka reaguar edhe Ana, e cila ironizoi dyshen.
“I shikojnë gjërat ndryshe se janë të rritur tani. Mezi po pres të shikoj takimin e tye.”- tha Ana duke nënqeshur.
