Qeveria shqiptare ka miratuar së fundmi shpërblimet e fundvitit për kategori të caktuara shoqërore. Ka qenë ministrja Ogerta Manastirliu ajo që ka bërë publike listën e kategorive që do të përfitojnë nga fondi i shpërblimeve prej 2 miliardë e 523 milionë lekësh. Kategoritë janë:
-79.370 përfitues me ndihmë ekonomike
-67.311 përfitues pjesë e kategorisë së personave me aftësi të kufizuar
-30 mijë lekë të vjetra shpërblim
-498.242 persona që marrin pension pleqërie, invaliditeti familjar dhe qyteti
-132.530 persona që marrin pension sipas ligjit për pensionet e anëtarëve të kooperative bujqësore
-981 persona me trajtim të veçantë financiar, dhe persona që kanë punuar në disa ndërmarrje të industrisë ushtarake.
-11.876 persona që marrin pension të parakohshëm për vjetërsi shërbimi
-3.037 persona pension pleqërie për minatorët,
-2.250 persona që nuk përfitojnë pension po shërbim financiar si veteranët
Në lidhje me këtë çështje ka dalë në një deklaratë për mediat edhe ministrja e Mbrojtjes, Olta Xhaçka, e cila ka njoftuar shpërblimet edhe për personelin e Ministrisë së Mbrojtjes.
298 Forca të armatosura, në shumën 14,900,000 lekë (katërmbëdhjetë milion e nëntëqind lekë)
1 560 Forca të armatosura, në shumën 31,200,000 lekë (tridhjetë e një milion e dyqind mijë lekë)
1 059 Forca të armatosura, në shumën 10,590,000 lekë (dhjetë milion e pesëqind e nëntëdhjetë mijë lekë)
Shpërblimi i punonjësve të angazhuar në strukturat e Policisë së Shtetit do të bëhet në masën 20,000 lekë/punonjës, për 330 punonjës dhe konkretisht:
-Për Repartin Special “RENEA” dhe Repartet e FNSH-ve Tirane, Fier dhe Shkodër, 70 punonjës;
-për drejtorinë vendore te policisë Fier, 60 punonjës;
-për drejtorinë vendore te policisë Durrës, 30 punonjës;
-për drejtorinë vendore te policisë Tirane, 30 punonjës;
-për drejtorinë vendore te policisë Vlore, 70 punonjës dhe,
-për drejtorinë vendore te te Kufirit Migracionit Vlorë dhe Repartin “Delta Force, 70 punonjës.
Sakaq mësohet se këtë vit, kategoria që duket se nuk do të përfitojë nga shpërblimet është ajo e mësuesve. Burime për “Shqiptarja.com” nga Ministria e Financave kanë bërë të ditur se qeveria nuk ka vendosur ende për këtë çështje, pasi mungojnë fondet për të mbuluar shpërblimet e 36 mijë arsimtarëve në tërë vendin.
Gjithashtu thuhet se pa shpërblim mund të mbeten edhe një pjesë e madhe e efektivëve të policisë, duke qenë se edhe në deklaratën e ministres Xhaçka, nuk përfshihen të gjithë.
