Studentët shqiptarë do të kenë mundësi që për herë të parë duke nisur nga tetori, të mund të aplikojnë për kredi studentore, që të shlyejnë tarifat akademike dhe të mbulojnë kostot e jetesës. Për këtë kredi garant për studentët do të jetë shteti ndërsa norma e interesit nuk do të ndryshojë deri në përfundim të kontratës.
Ndonëse një ndihmesë, jo të gjithë studentët do të jenë përfitues. Përzgjedhja do të bëhet në bazë të disa prioriteteve sikurse është vlera e kredisë, ndjekja e studimeve në programet prioritare, apo rezultatet e mëparshme gjatë studimeve.
Po ashtu nuk do të përfitojnë nga kredia studentore të gjithë ata studentë që marrin bursë apo që janë të përjashtuar nga tarifat.
