Kate Middelton është njëra prej dukeshave më të dashura në të gjithë botën, dhe publiku kurioz mund të themi që di gjithçka për të. Mirëpo duket se një detaj i vogël, por shumë domethënës i ka shpëtuar syrit të publikut dhe dukesha është treguar shumë e zonja për ta fshehur.
Në vitin 2011, u vu re tek Kate një shenjë mbi rrethin e flokëve në anën e majtë të kokës. Kritikët u shprehën asokohe se mund të jetë si pasojë e parukës që mund të jetë vendosur keq.
Mirëpo më në fund përfaqësuesit e pallatit mbretëror kanë folur rreth shenjës 7 centimetërshe që Dukesh Kate ka në kokë. Sipas zëdhënësit të pallatit mbretëror Kate e ka këtë shenjë që në fëmijërinë e saj pas një operacioni të vështirë që ka bërë.
“Shenja vjen si pasojë e një operacioni në fëmijëri,” tha zëdhënësi për “E! News”.
Ende nuk është saktësuar se për çfarë operacioni bëhet fjalë, por thuhet se kjo shenjë mund të jetë shkaktuar nga një operacion shumë i vështirë për heqjen e një nishani. Gjithsesi e vërteta e këtij operacioni mbetet enigmë dhe është vetëm Kate ajo që mund të na e zbulojë.
