Një javë pas lindjes, çertifikata e lindjes së fëmijës së parë të Meghan Markle-it dhe princit Harry u publikua dhe zbuloi një detaj tejmase të rëndësishëm për rolin e Meghan-it në pallatin mbretëror.
Në këtë dokument , Meghan Markle është quajtur “Lartmadhëria e saj, Dukesha e Sussex-it” dhe krahas kësaj, profesioni i saj është shkruajtur: “Princeshë e Mbretërisë së Bashkuar”, njësoj si Kate Middleton!
Përveç kësaj, çertifikata zbulon se Archie ka lindur në një spital privat në Londër, ndryshe nga ç’pritej që të vinte në jetë në shtëpinë e çiftit, vila Frogmore. Duket se kjo ka ndodhur për shkak se djali lindi një javë më vonë se data e parashikuar, kështu që mjekëve mund t’u jetë dashur të ndërhyjnë.
Archie është i shtati në radhë për të trashëguar fronin.
Megjithatë, titulli zyrtar i Meghan Markle është Dukesha Meghan Markle, Princeshë e Sussex-it. Për shkak se ajo nuk ka gjak mbretëror, ashtu si edhe Kate, nuk do të mund të quhet “Princesha Meghan”.
Po kështu, as Lady Diana nuk njiihej zyrtarisht si princeshë.
Sidoqoftë, i vetmi dallim mes saj dhe kunatës Dukesha Katherine, Princeshë e Cambridge-it, është fakti se kjo e fundit është martuar me princin më të madh në moshë, i dyti në radhë për fronin pas të atit, princit Charles.
