Sensualja bionde, Kate Hudson, zbulon se si menaxhon të ketë një marrëdhënie të mirë me ish-at e saj, gjatë një interviste për revistën “Marie Claire”.
Aktorja është në koverin e numrit tetor e veshur me një fustan të kuq, që tregon linjat e saj. Aktorja 37-vjeçare reflekton për ndarjet e saj, duke thënë: “Mendoj se falja është pjesa më e rëndësishme e saj”.
Ndërsa pranon se “të gjithë do të drejtojnë gishtin”, ajo këshillon: “Nëse je një person që e merr përgjegjësinë për vete dhe pjesën tuaj përsipër, atëherë ke më shumë mundësi për të mbajtur një marrëdhënie të mirë. Kjo gjithashtu do të thotë që je rritur. Shumë njerëz nuk duan që të rriten, sepse kjo ta shpif”.
Vajza e Goldie Hawn ka kaluar pjesën e saj të ndarjeve, me baballarët e dy djemve të saj.
Ajo ishte e martuar me këngëtarin Chris Robinson e “The Black Crowes”, me të cilin ka djalin 12-vjeçar Ryder, nga viti 2000 deri në 2007-n.
Tre vite më pas ajo u martua me këngëtarin e Muse, Matt Bellamy, me të cilin lindi djalin Bingham, tani 5 vjeç. Marrëdhënia e tyre përfundoi në 2014-n.
“Arsyeja pse nuk flas për jetën e dashurisë, është sepse unë kam fëmijë. Njerëzit bëjnë këtë pyetjen, “Është shumë e shëndetshme të flasësh publikisht për atë me të cilin jam apo nuk jam duke u takuar”. Ryder mund të lexojë dhe të dëgjojë. Unë nuk dua t’i kënaqë të tjerët, derisa të jetë dikush në jetën time të cilin do t’ua prezantojë fëmijëve të mi”, shprehet aktorja për jetën e dashurisë.
Kur flitet për sfidën e balancimit të karrierës me mëmësinë, si një nënë beqare, ajo thotë: “Unë nuk përpiqem t’i zbukuroj gjërat. Unë them po bëj më të mirën që mundem”.
*Shfleto galerinë
Burimi: Daily Mail
