Ndodhi një “katastrofë” mbrëmjen e së dielës në eventin e ‘Oscar”-it, kur Warren Beatty dhe Faye Dunaway gabimisht shpallën “La La Land” si fituesin e çmimit “Filmi më i mirë”, në vend të triumfuesit “Moonlight”.
Në momentin e suspancës, yjet dhe producentët e “La La Land” u ndaluan në mes të rrugës , për fjalimin e tyre të pranimit të çmimit dhe u detyruan që t’ia jepnin trofeun yjeve të “Moonlight”.
Ngatërresa në shfaqje e la audiencën të shokuar, ndërsa Beatty-i zbuloi se ai kishte lexuar padashje emrin e “La La Land” si fitues.
Ai u shfajësua se i ishte dhënë zarfi i gabuar, duke thënë se kishte lexuar emrin e Emma Stone nga “La La Land”, kur hapi zarfin.
“Do t’ju tregoj se çfarë ndodhi, hapa zarfin dhe ai shkruante Emma Stone, “La La Land” dhe kjo është arsyeja pse pashë në sy Faye dhe ju. Nuk doja të isha qesharak. Fitues është “Moonlight” si filmi më i mirë”: i tha Beatty, turmës së shokuar, ndërsa përpiqej të sqaronte gabimin trashanik.
Më pas u tha se kishte zarfe rezervë për çdo kategori dhe Beatty-nit iu dha gabimisht një prej tyre.
Në prapaskenë ata kuptuan se kishin dy zarfe për “Filmin më të mirë” ende të pahapura. Organizatorët e eventit kuptuan menjëherë gabimin dhe një zyrtar u ngjit në skenë menjëherë për t’a zgjidhur.
Moderatori Jimmy Kimmel më pas njoftoi se në fakt ishte filmi “Moonlight”, ai që kishte fituar çmimin, ndërsa tregoi zarfin si provë.
Regjisori i “La La Land”, Jordan Horwitz, menjëherë thirri producentët e “Moonlight” dhe ia kaloi atyre statujën.
“E dija që do ta dreqosja. Ju premtoj që nuk do të kthehem më”, bëri shaka Kimmel, lidhur me faktin që moderoi për herë të parë eventin, më të rëndësishëm kinematografik.
Burimi: Daily Mail
