A ka ndonjë gjë që nuk mund ta bëjë Karl Lagerfeld? Dizajnuesi ikonë jo vetëm që drejton “timonin” e Chanel, por gjithashtu ka shërbyer si një drejtues kreativ te Fendi, një kompani me të cilën bashkëpunon për 51 vite.
Për të festuar 90-vjetorin e Fendi-t, dizajnuesi qëndron prapa kamerës për të kapur supermodelen Gigi Hadid e veshur nga koka të këmbët me koleksionin haute couture të shtëpisë së modës.
Veç kësaj, dizajnuesi foli për marrëdhënien e tij me shtëpinë e modës për “Harper’s Bazaar”. “Jam i thjeshtë në punë. Nuk jam në një udhëtim egoje. Jam vetëm i interesuar në punët me dorë, dizajnin dhe në punën me njerëzit që më pëlqejnë. Shumë dizajnues të tjerë kanë një problem egoje. Shumica e tyre. Është një problem i vërtetë”, u shpreh ai.
Lagerfeld gjithashtu diskutoi suksesin e bashkëpunimit me familjen e Fendi-t, duke kujtuar disa momente argëtuese.
Gigi Hadid pozon me një stil super-luksoz dhe çizme të veçanta. Në një prej imazheve, Karl Lagerfeld qëndron i veshur me kostumin e tij të njohur, ndërsa modelja Hadid me një pelerinë luksoze.
Burimi: WhoWhatWear
