Dyshja e njohur e serialit të famshëm të Netflix, “Riverdale”, Cole Sprouse dhe Lili Reinhart i kanë dhënë fund romancës së tyre.
Dy aktorët ishin të lidhur së bashku prej tre vitesh, mirëpo duket se gjërat s’kanë shkuar siç duhet.
Sipas “PageSix”, Cole dhe Lili filluan të kishin probleme mes tyre ende pa u bërë serioze gjendja e pandemisë dhe mësohet se karantinën e kanë kaluar të ndarë.
Nuk e dimë se largësia dhe mungesa e kontaktit ka ndikuar në vendimin përfundimtar të ndarjes së tyre, apo diçka tjetër ka ndodhur.
Megjithatë, burimet tregojnë se ata nuk janë ndarë keq dhe kanë vendosur të mbeten miq, mirëpo për sa kohë do të jenë vetëm miq, mbetet ta shohim.
Kjo nuk është hera e parë që Cole dhe Lili i japin fund marrëdhënies.
Hera e fundit që ata u ndanë ishte në mes të vitit 2019, mirëpo gjërat u rregulluan dhe u rikthyen sërish së bashku.
