Rina Balaj dhe partneri i saj, Sin Boy, po e kalojnë së bashku karantinën duke qenë se disa kohë më parë nisën të bashkëjetonin.
Mirëpo, dyshja nuk e ka lënë që kjo kohë t’i shkojë kot dhe janë bërë më produktivë se kurrë, duke përgatitur projekte të reha për fansat e tyre.
Ata do të realizojnë jo vetëm një këngë, por një album të tërë së bashku!
Madje, Rina tregon se albumi do të ketë plot 20 këngë, lajm i cili ka gëzuar fansat e dyshes.
Në një postim në InstaStory, reperja njofton për albumin e ri, mirëpo nuk e bën të ditur emrin e tij.
“20 këngë, 1 album, vetëm unë dhe Sin Boy”- shkruan Rina.
Më herët, çifti ka publikuar edhe tre bashkëpunime të tjera, të cilat kanë rezultuar tepër të suksesshme.
“Gigi”, “Meredith” dhe “Tentacion” janë pritur mirë nga fansat, të cilët i kanë pëlqyer dy artistët në bashkëpunim.
