Teksa menduam se më në fund u sheshua çdo mosmarrëveshje midis Shakirës dhe Piques, diçka e re ka dalë.
Këtë herë “molla e sherrit” janë fëmijët e tyre. Më saktë djali i tyre i madh Milan. Ky i fundit është shfaqur në një transmetim live me babin e tij në Twitch, ku mori një vëmendje të madhe.
Milan shoqëroi Pique-n për të folur për Ligën e Mbretërve. Djali i Shakirës dhe Pique-s ishte i natyrshëm dhe fitoi të gjithë shikuesit që ndoqën transmetimin e drejtpërdrejtë – madje edhe Pique u befasua se sa mirë fliste djali i tij.
Mirëpo, kjo nuk i ka pëlqyer nënës së tij, Shakirës dhe këtë e ka bërë të ditur përmes një letre të shpërndarë në media të ndryshme.
Këngëtarja kolumbiane shpërtheu kundër Piques për ekspozimin e djalit të saj në rrjetet sociale. Këngëtarja nuk kishte dhënë paraprakisht pëlqimin dhe as nuk ishte konsultuar për pjesëmarrjen e djalit të saj Milan-it në ritransmetimin e ngjarjes.
Përveç kësaj, Shakira nuk ishte e lumtur që disa tema u diskutuan para një fëmije 9-vjeçar.
Për momentin, Pique nuk ka bërë një deklaratë dhe mund të preferojë ta zgjidhë këtë çështje në mënyrë private.
Me datë 1 dhjetor 2022, u nënshkrua më në fund marrëveshja mes Shakirës dhe Pique-s lidhur me kujdestarinë e fëmijëve. Ata hynë dhe dolën veç e veç nga gjykata pas dakordësisë mes tyre.
Daily Mail bëri me dije se ligji i jep të drejtën Pique-s të kalojë deri në 10 ditë në muaj me fëmijët e tij.
